На Берлінале фільм «Кураж» Аляксея Палуяна віталі авацыямі і воклічамі «Жыве Беларусь!»

В мире
Пад час прэм'еры. Святлана Ціханоўская і Аляксей Палуян. Фота прадастаўлена рэжысёрам.

Публічная прэм’ера дакументальнай стужкі «Кураж», якая адбылася ўчора на Берлінскім кінафестывалі ў кінатэатры пад адкрытым небам «Музейны востраў», скончылася доўгімі авацыямі публікі і воклічамі «Жыве Беларусь!».

А перад паказам карціны рэжысёра Аляксея Палуяна адбылася акцыя салідарнасці з беларускімі палітвязнямі. У ёй прынялі ўдзел Святлана Алексіевіч, Святлана Ціханоўская, якія прыехалі на прэм’еру «Куража» (другая назва стужкі «Смеласць») падтрымаць каманду фільма.

У час акцыі па знаку рэжысёра гледачы на хвіліну ўзнялі над сабой партрэты тых людзей, хто сёння знаходзяцца за кратамі па палітычных матывах. У прыватнасці, Святлана Ціханоўская ўзняла партрэт свайго мужа — Сяргея Ціханоўскага, Таццяна Хоміч — сваёй сястры Марыі Калеснікавай.

Па словах беларускага рэжысёра, ён хацеў, каб людзі сімвалічна паглядзелі фільм разам з палітвязнямі, потым узялі іх партрэты дадому і па мажлівасці напісалі ліст чалавеку, які зараз у турме. На адваротным баку выяў была размешчана інфармацыя пра палітвязняў. Акцыя адбылася без залішніх слоў.

@Alexander Janetzko/Berlinale 2021

Нагадаем, што «Кураж», які на Берлінале намінуецца на ўзнагароду «Лепшы дакументальны фільм», распавядае пра шлях вольных мастакоў у аўтарытарнай краіне. У стужцы зняліся акцёры Беларускага свабоднага тэатра — Марына Якубовіч, Павал Гарадніцкі, Дзяніс Тарасенка, якія былі вымушаны нядаўна з’ехаць з краіны. Марына і Павал прысутнічалі на прэм’еры — іх віталі як герояў.

Да публічнага паказу даккарціны на адным з найпрэстыжных кінафестываляў свету была далучана і дыскусія пра ролю творцы ў аўтарытарнай краіне. У ёй прынялі ўдзел Святлана Ціханоўская, Аляксей Палуян, Святлана Алексіевіч і нямецкая прадзюсарка Сымона Баўман.

Паўторны сеанс «Куража» ў межах Берлінале адбудзецца 13 чэрвеня на пляцоўцы пад адкрытым небам у Вайсензе — Freilichtbühne Weißensee.

Рэжысёр стужкі «Кураж» Аляксей Палуян і галоўныя героі фільма — акцёры Марына Якубовіч і Павал Гарадніцкі. Фота:@Berlinale 2021.

Если вы нашли ошибку, пожалуйста, выделите фрагмент текста и нажмите Ctrl+Enter.


Последние новости


🔥 Подпишитесь на наш Telegram-канал. Только авторские статьи!

REFORM.by


Сообщить об опечатке

Текст, который будет отправлен нашим редакторам: