Беларускі ПЭН абвясціў пра прыём заявак на Прэмію імя Ежы Гедройця

Культура
Выява: сайт Беларускага ПЭНа.

Аргкамітэт Прэміі імя Ежы Гедройця – найбуйнейшай незалежнай літаратурная прэміі Беларусі — абвясціў пра пачатак новага сезону.

Нагадаем, што ўзнагарода ўручаецца з 2012 года за найлепшую кнігу прозы ў папярэднім годзе на беларускай мове.

Сёлета да ўдзелу традыцыйна прымаюцца кнігі, выдадзеныя на беларускай мове ўпершыню ў 2021 годзе ў папяровым або электронным варыянце. Але таксама можна падаць творы, выдадзеныя цягам 2020 года, якія не бралі ўдзел у конкурсе летась.

Беларускі ПЭН абвясціў пра прыём заявак на Прэмію імя Ежы Гедройця

Абмежаванні для аўтараў паводле ўзросту, грамадзянства, месца жыхарства і месца публікацыі твораў адсутнічаюць. Тэрмін прыняцця заявак — па 31 ліпеня (да 22.00 па беларускім часе).

Лаўрэатамі самай галоўнай незалежнай літаратурнай узнагароды ў Беларусі ў розныя гады станавіліся: «Па што ідзеш, воўча?» Евы Вежнавец, «Libido» Ільі Сіна, «Танцы над горадам» Уладзіміра Арлова, «Быў у пана верабейка гаварушчы» Змітра Бартосіка, «Завяршыць гештальт» Максіма Шчура ды іншыя творы.

Заснавальнікі прэміі — Беларускі ПЭН-цэнтр і Саюз беларускіх пісьменнікаў, Амбасада Рэспублікі Польшча ў Рэспубліцы Беларусь, Польскі інстытут у Мінску.

Падрабязней пра ўмовы падачы можна дазнацца тут.

Если вы нашли ошибку, пожалуйста, выделите фрагмент текста и нажмите Ctrl+Enter.

Последние новости


REFORM.by


Сообщить об опечатке

Текст, который будет отправлен нашим редакторам: