Імпрэза, прысвечаная літаратуры палітвязняў, адбудзецца заўтра ў Лодзі

В мире
Афіша імрэзы «Палітзняволеная літаратура». Фота: Фэйсбук падзеі.

Заўтра, 23 ліпеня, у Лодзі ў межах Дзён беларускай культуры будуць асэнсоўваць літаратуру беларускіх палітвязняў. Арганізуюць імпрэзу «Палітзняволеная літаратура» Фонд «Беларусы ў Лодзі» і Беларуская Рада культуры.

Плануецца форум-спектакль «Цэнзар», музычны канцэрт, у якім прымуць удзел Юрый Стыльскі, лідар гурта «Дай дарогу!», гурт «Разбітае Сэрца Пацана», дыскусіі з удзелам экспертаў з праваабаронцамі, літаратарамі і журналістамі, напісанне лістоў палітвязням, а таксама прэзентацыя тэкстаў, якія паўсталі праз турэмны досвед іх аўтараў.

«Турэмнае мастацтва, як канцэнтрат беларускай палітычнай і філасофскай думкі, пераасэнсоўвае той час і той стан, у якім мы ўсе зараз знаходзімся. Новая культура і новыя каштоўнасці нашага грамадства выспяваюць і фармулююцца людзьмі, што знаходзяцца за кратамі. Слухаючы іх галасы, мы можам акрэсліць для саміх сябе тут і цяпер, дзеля чаго мы ўсё гэта робім, дзеля чаго мы як супольнасць ідзём на барацьбу і страты, чалавечыя, лёсавыя, культурныя», – паведамляюць пра падзею арганізатары.

За мерапрыемствамі праекта «Палітзняволеная літаратура» можна будзе назіраць па ўсім свеце з дапамогай анлайн-трансляцыі.

Імпрэза «Палітзняволеная літаратура» будзе адбывацца 23 ліпеня з 16.00 да 22.00 у Доме літаратуры па адрасе: Лодзь, Roosevelta, 17.

Падпісвайцеся на культурныя навіны Reform.by в Telegram

Если вы нашли ошибку, пожалуйста, выделите фрагмент текста и нажмите Ctrl+Enter.

Последние новости


REFORM.by


Сообщить об опечатке

Текст, который будет отправлен нашим редакторам: