Заўтра ў Мінску распачынаецца «Кинемо» — Х фестываль нямога кіно і сучаснай музыкі

Культура
Фестываль "Кинемо" ў дворыку Майстэрні-музея Заіра Азгура. Фота: facebook.com/kinemo.by.

На некаторыя паказы ўжо не дастаць білетаў.

Яшчэ на пачатку лета праект Сinemascope, які на працягу ўжо дзесяці гадоў з’яўляецца арганізатарам папулярнага фэсту, асцярожна анансаваў будучы фестываль нямога кіно і сучаснай музыкі. У сённяшніх варунках, у Беларусі, прагназаваць культурныя падзеі становіцца ўсе складаней.

Аднак прыйшоў жнівень — і вядомыя кінападзвіжнікі і менеджары культурнай падзеі Вольга Надольская і Гера Глік — аб’явілі аб пачатку продажу білетаў на «Кинемо-2022».

Ужо на сёння вядома, што на паказ «Шэрлака малодшага» Бастэра Кітана, які заўтра распачынае юбілейны фестываль, і «Носферату. Сімфонію жахаў» Фрыдрыха Вільгельма Мурнау, які будзе дэманстравацца паслязаўтра — 4 жніўня  — у Майстэрні-музеі Заіра Азгура, усе білеты распрададзены. Гэта значыць, што глядач мае патрэбу і любіць фестываль, які на працягу столькіх гадоў фарміраваў  і выхоўваў сваю публіку.

Заўтра ў Мінску распачынаецца "Кинемо" - Х фестываль нямога кіно і сучаснай музыкі
Кадр з фільма «Шэрлак малодшы» Бастэра Кітана. Фота: facebook.com/kinemo.by.

Нягледзячы на аншлагі першых дзвюх стужак, наперадзе кінаманаў і меламанаў чакаюць: «Возніца» Віктара Шострэма — 11 жніўня, «Малодшы брат» Тэда Вільдэ і Гаральда Лойда — 18 жніўня. Стужкі не менш легендарныя і знакавыя, чым працы Кітана і Мурнау.

Музычнае суправаджэнне да «Возніцы» будзе ствараць «Кінемо квартэт» — фартэпіяна, скрыпка, саксафон, флейта (імёны музыкаў будуць агучаны пазней). За атмасферу да «Малодшага брата» адказвае класічны тапёр (фартепіяна). Паказ «Шэрлака малодшага» пройдзе ў суправаджэнні музычнага трыа, а на «Носферату» нават загучыць міні-арган.

Нагадаем, што ўсе паказы ладзяцца на адкрытым паветры — у скульптурным дворыку Майстэрні-музея Заіра Азгура.

«КИНЕМО» — адзіны ў Беларусі штогадовы фестываль нямога кіно і сучаснай музыкі, асноўнай задачай якога з’яўляецца папулярызацыя і пераасэнсаванне класікі нямога кіно сродкамі сучаснай музыкі. Музычнае суправаджэння да фільмаў праграмы прадстаўляюць ужывую ў межах тэатральных перформансаў, якія аб’ядноўваюць у сабе кінапаказ і музычны канцэрт.

Дазнацца больш пра праграму юбілейнага — Х фестывалю «Кинемо» — можна тут.

Падпісвайцеся на культурныя навіны Reform.by у Telegram

Если вы нашли ошибку, пожалуйста, выделите фрагмент текста и нажмите Ctrl+Enter.

Последние новости


REFORM.by


Сообщить об опечатке

Текст, который будет отправлен нашим редакторам: