Арганізатары праекта Belarus Outside Sound System прапануюць узгадаць «самую феерычную падзею сезона»

Belarus Outside Sound System – праект перасоўнага фестывалю ад беларускага дыджэя Аляксандра Багданава і каманды культурнага цэнтра «Корпус» – змантавалі відэаўспамін пра тое, як яны пішуць «самую феерычную падзею сезона» — 4-ты дабрачынны гастралюючы дзвіж Belarus Outside Sound System, які заняў адну з лакацый купальскага фэсту Varushniak у Варшаве 1 ліпеня 2023.

«Усё сышлося – і апантаная каманда Belarus Outside Sound System (а значыць вясёлая), і музыка рознажанравая (а значыць не сумная), і з дэкорам замарочыліся (ды і само месца спрыяла), – пішуць музыкі у анатацыі да відэа. – Лайн-ап быў таксама не лахаўскі, артысты і модныя, і класныя, і культавыя – усе меліся ў спісачку. Нічога незвычайнага, усё вельмі нават прадказальна – максімальна задорны выйшаў тусыч».

Дарэчы, падчас сваіх выступаў у Тбілісі, Вільні і Берліне цягам вясны 2023 года арганізатары праекта не толькі спалучалі беларускія і мясцовыя сцэны, але і збіралі ахвяраванні на падтрымку рэпрэсаваных дзеячаў культуры.

Здымкі: @andrew_slavinsky @alexskidan

Мантаж: @peresmeshnick_liz

Музыка: @shumaby , @rapandvogue