CreateCulture Group і sekktor запускаюць серыю афлайн- і анлайн-пітчынгаў для культурніцкіх дзеячаў

Культура

CreateCulture Group і sekktor запускаюць «ПРАЕКТАР» – серыю афлайн- і анлайн-пітчынгаў для культурніцкіх дзеячаў і дзяячак, якія шукаюць новых партнёраў, пляцоўкі, членаў каманды і любую магчымую падтрымку.

Фармат уяўляе сабой хуткія прэзентацыі праектных ідэй і іх абмеркаванне з адмыслова запрошанымі гледачамі. Асноўная матывацыя арганізатарак – стварыць утульную прастору для развіцця сувязяў паміж творчымі беларусамі, абмену кантактамі, парадамі і пошуку самых розных рэсурсаў. Да ўдзелу запрашаюцца як выступоўцы, гатовыя прадставiць сваю iдэю, так i патэнцыйныя партнеры i партнёркi, эксперты i эксперткi, i зацiкаўленая публiка.

«Сёння з’яўляецца ўсё больш важных і цікавых ініцыятываў, праектаў, і такі фармат нам падаецца зручным, каб падтрымаць адно аднаго і трымаць у курсе справаў, — тлумачыць Надзея Ількевіч, сузаснавальніца CreateCulture Group. — Мы хочам праверыць фармат пітчынгаў афлайн у Вільні, каб на падставе гэтага досведу запусціць рух-франшызу такіх мерапрыемстваў у розных гарадах«.

«Для тых, хто хоча бачыць і падтрымліваць сувязі ў беларускай культурніцкай супольнасці безадносна геаграфіі, мы прапануем анлайн-пітчынгі, — кажа Кацярына Раманчык, каардынатарка медыяпраекта sekktor. — Мы пачнем з праектаў, якія плануюцца да рэалізацыі ў Польшчы, аднак далей не будзем абмяжоўвацца адной краінай».

Паралельная задача такіх мерапрыемстваў – узмацніць навыкі хуткай прэзентацыі свайго праекта. Дзякуючы наяўнасці прызавога фонду, на першых 4-х пітчынгах лепшыя пітчы змогуць атрымаць 150 еўра на развіццё праекта. Першы афлайн-пітчынг адбудзецца ў Вільні 10 сакавіка а 19-й у прасторы CreateCulture Space. На мерапрыемстве можна будзе прадставіць культурніцкія праекты на любыя тэмы. Мовы: беларуская, руская.

Анлайн-версіі пітчынгаў арганізуюцца праектам sekktor i будуць факусавацца на асобных сферах дзейнасці, а таксама на лакалізацыі партнёраў, якія шукаюцца. Такім чынам, першыя тры анлайн-пітчынгі будуць арыентавацца на беларускія ініцыятывы на тэрыторыі Польшчы. Адпаведна, выступоўцам трэба быць гатовымі прадставіць свае ідэі па-ангельску ці па-польску.

Расклад бліжэйшых пітчынгаў «ПРАЕКТАРа» анлайн:

  • 10 сакавіка: «Перфарматыўныя праекты» 15:00 СЕТ
  • 17 сакавіка: «Сучаснае мастацтва. Экспазіцыйныя праекты» 15:00 СЕТ
  • 24 сакавіка: «Літаратурныя праекты» 15:00 СЕТ.

Каб прадставіць свой праект, неабходна:

  • Запоўніць на сайце форму заяўкі разам са стартавай прэзентацыяй сваёй ідэі;
  • Атрымаць пацверджанне арганізатарамі;
  • Дапрацаваць сваю прэзентацыю пры падтрымцы арганізатарак;
  • Патрэніравацца на рэпетыцыі пітчынгу, якая адбудзецца за 2 дні да выступу.

Дэдлайн рэгістрацыі на афлайн і анлайн «ПРАЕКТАР»: 5 сакавіка 23:59 CET.

Падрабязней на сайце: praektar.com

Задаць пытанне арганізатаркам можна праз email:
[email protected]
[email protected]

Падпісвайцеся на культурныя навіны Reform.by у Telegram

Если вы нашли ошибку, пожалуйста, выделите фрагмент текста и нажмите Ctrl+Enter.

Последние новости


REFORM.by


Сообщить об опечатке

Текст, который будет отправлен нашим редакторам: