Канцэрт Анастасіі Шпакоўскай і праекта Nakapiano пройдзе ў Вільні

У нядзелю, 30 красавіка, праект Анастасіі Шпакоўскай Nakapiano грае вясновы канцэрт у Вільні.

“Свет змяняецца. Змяняемся мы. Мяняем гарады, жыццё, лёсы. Але ж нязменнасць ёсць у творчасці, у любові. Усё тое, што робіць нас сумленнымі і жывымі, думаючымі і сапраўднымі,” – запрашае спявачка на свой канцэрт.

Анастасія Шпакоўская – спявачка, салістка гурта Naka і актрыса Мінскага тэатра імя М. Горкага з 2002 года да верасня 2020 года, пасля звальнення з тэатра вымушана была пераехаць з Беларусі ў Кіеў.

Гурт Naka выпусціў 4 альбомы: «Тебе», «Пора», «Довольна», «Мая Малітва» і два альбомы праекта Nakapiano.

Квіткі – 15 еўра на ўваходзе наяўнымі.

Дата: 30 красавіка

Час: 18.30 – дзверы, 19.30 – пачатак (час мясцовы)

Месца: клуб Paviljonas, Pylimo g., 21B, Вільня

Падпісвайцеся на культурныя навіны Reform.by у Telegram