Курс, Хадановіч, Аркуш, Кудасава: на кніжным кірмашы ў Варшаве запланавана вялікая праграма ад незалежных беларускіх выдавецтваў

25 траўня ў Варшаве распачынаецца Міжнародны кніжны кірмаш, які адбудзецца з удзелам незалежных беларускіх выдавецтваў. У Палацы культуры і навукі з 25 па 28 траўня будзе працаваць стэнд беларускай кнігі, а гэтаксама запланавана вялікая праграма прэзентацый кніжных навінак і сустрэч.

Уладзімір Арлоў, Андрэй Хадановіч, Аляксандр Кудрыцкі, Святлана Курс, Алесь Аркуш… – далёка не поўны пералік аўтараў і аўтарак сучаснай беларускай літаратуры, які выступяць на кірмашы.

А арганізаваў стэнд беларускіх выдавецтваў на культурнай падзеі ў Варшаве Цэнтр беларускай салідарнасці ў партнэрстве з Цэнтрам навуковых даследаванняў Польскай акадэміі навук у Берліне (CBH PAN w Berlinie) і пры падтрымцы Фундацыі Польска-Нямецкага Супрацоўніцтва (FWPN).

На сёння стаў вядомы поўны расклад выступаў і прэзентацый ад беларускіх выдавецтваў:

Пятніца, 26 траўня

• Яўгенія Давідзенка – рэжысёрка. Чытанні тэкста “Пчала ў горле”, абмеркаванне. Месца і час: зала Міцкевіча, 14.00-14.55.
• Прэзентацыя кнігі “Побач” імпрынта “Skarynyčy” і сустрэча з суаўтарамі – паэткай Настай Кудасавай і мастачкай Сафіяй-Святланай Дземідовіч.
  Месца і час: стэнд незалежных беларускіх выдаўцоў, 17.00.
• Сустрэча са Святланай Курс – беларускай пісьменніцай, перакладчыцай і журналісткай. Аўтарка кнігі “Па што ідзеш, воўча” выдавецкай ініцыятывы “Пфляўмбаўм”.
  Месца і час: стэнд незалежных беларускіх выдаўцоў, 17.00 -18.00.
• Сустрэча з Паўлінай Скурко – жонкай журналіста і рэдактара незалежнай беларускай газеты “Наша Ніва” Андрэя Скурко. Прэзентацыя дзіцячых кніг Андрэя Скурко – кнігі вершаў “Пра сланоў і барсучкоў для дзяўчат і хлапчукоў” і перакладной кнігі “Добры доктар Будзь-здароў”.
  Месца і час: стэнд незалежных беларускіх выдаўцоў, 18.00 -19.00.

Субота, 27 траўня

• Прэзентацыя кнігі Аляксандра Кудрыцкага “Казік з Каменнай горкі” выдавецтва “Янушкевіч”.
  Месца і час: стэнд незалежных беларускіх выдаўцоў, 10.30 -11.55.
• Сяргей Тарасаў – вядомы беларускі пісьменнік і гісторык. Прэзентацыя кнігі “Еўфрасіння, Афрасіння, Офрасіння Полацкая. Яе час, яе крыж ” пра жыццё і таямніцы святой Еўфрасінні Полацкай.
  Месца і час: зала Міцкевіча, 12.00-12.55.
• Аўтограф-сесія Дзмітрыя Гулецкага, даследчыка-нумізмата.
  Месца і час: стэнд незалежных беларускіх выдаўцоў 13.00 13.55.
• Прэзентацыя кнігі прозы Алеся Аркуша “Тастамент Рагвалода”, выдадзенай імпрынтам “Skarynyčy”.
  Месца і час: стэнд незалежных беларускіх выдаўцоў, 13.00-14.30.
• Сустрэча з Паўлінай Скурко – жонкай журналіста і рэдактара незалежнай беларускай газеты “Наша Ніва” Андрэя Скурко. Прэзентацыя дзіцячых кніг Андрэя Скурко – кнігі вершаў “Пра сланоў і барсучкоў для дзяўчат і хлапчукоў” і перакладной кнігі “Добры доктар Будзь-здароў”.
  Месца і час: стэнд незалежных беларускіх выдаўцоў, 14.00-15.00.
• Уладзімір Арлоў – вядомы беларускі паэт, пісьменнік і гісторык, перакладзены амаль на 20 моваў, лаўрэат Літаратурнай прэміі “Еўрапейскі паэт свабоды” (2010). Прэзентацыя аўтара, бэстсэлераў і нядаўна выдадзеных кніг выдавецтва “Камунікат”.
  Месца і час: зала Міцкевіча, 15.00-15.55.
• Сустрэча са Святланай Курс – беларускай пісьменніцай, перакладчыцай і журналісткай. Аўтарка кнігі “Па што ідзеш, воўча” выдавецкай ініцыятывы “Пфляўмбаўм”.
  Месца і час: стэнд незалежных беларускіх выдаўцоў, 17.00-18.00.
• Сустрэча з Андрэем Хадановічам – вядомым беларускім паэтам, перакладчыкам, літаратуразнаўцам.
  Месца і час: зала Міцкевіча, 18.00-18.55.

Нядзеля, 28 траўня

• Прэзентацыя кнігі для дзяцей “Каток-пестунок” укладальнікам Васілём Дранько-Майсюком.
  Месца і час: стэнд незалежных беларускіх выдаўцоў, 11.00-12.00.

Нагадаем, стэнд беларускай кнігі мае нумар 168, уваход у Палац культуры і навукі з вуліцы Маршалкоўскай.

Сачыць за раскладам праграмы можна тут.

Падпісвайцеся на культурныя навіны Reform.by у Telegram