На грамадзянскім саміце медыя і актывізму Unlock у Празе адбылася прэм’ера новага праекта ЧынЧынЧанэл

Культура
Міхаіл Зуй і Дзмітрый Ясяневіч у вобразах Сяргей Мікалевіча і Мікалая Сяргеевіча. Фота: фейсбук Марыі Савушкінай.

26 траўня на грамадзянскім саміце актывізму, медыя і тэхналогій Усходняй Еўропы і Цэнтральнай Азіі Unlock у Празе быў прадстаўлены новы фільм праекта «ЧынЧынЧанэл» — «ЧынЧыны праляцелі зязюляй». Пра прэм’еру «кароткаметражнага містычнага дэтэктыву» на фестывалі, які ладзіць Пражскі цэнтр грамадзянскай супольнасці, паведаміла на сваёй старонцы ў сацсетках прадзюсарка новай карціны Марыя Савушкіна.

«[Адбыліся] два паказы [стужкі], у памяшканні і на вуліцы. Першымі гледачамі [фільма] сталі больш за 200 чалавек з 10 краінаў. Я асабіста перажыла неверагодныя эмоцыі. Мы працавалі над фільмам амаль год. Здымкі адбыліся ў чэрвені 2022, у замку Бролін, на поўначы Германіі, дзе я жыла паўгады пасля пачатку вайны», — распавяла беларуская медыяэкспертка.

Анатацыя да кіно гучыць так:

«Па сюжэце, які не саступае па інтрызе замежным аналагам, ганаровыя сябры ЧынЧынЧанэл Сяргей Мікалаевіч і Мікалай Сяргеевіч прыбываюць у Лядскую псіхіятрычную лякарню №1, каб наведаць таямнічую пацыентку — Алену Жалудок. І нішто не прадказвае нічога нечаканага, аднак далейшыя падзеі прымусяць здзіўлена ўскінуць брыво нават спрактыкаванага кінамана».

На грамадзянскім саміце медыя і актывізму Unlock у Празе адбылася прэм'ера новага праекта ЧынЧынЧанэл
Падчас прэм’еры на саміце Unlock у Чэхіі. Фота: фейсбук Марыі Савушкінай.

У фільме здымаліся: Міхаіл Зуй, Дзмітрый Ясяневіч, Алена Зуй-Вайцяхоўская, Андрэй Каралевіч, Марыя Савушкіна, Андрэй Кашперскі.

Рэжысёр і аператар карціны — Андрэй Кашперскі. Аўтары сцэнарыя — Андрэй Кашперскі і Міхаіл Зуй. Прадзюсары — Марыя Савушкіна і Андрэй Каралевіч.

Паводле Марыі Савушкінай, фільм у хуткім часе мусіць быць выкладзены ў сеціва.

ЧынЧынЧанэл — гэта праект вострай сатыры і пародыі ад акцёраў незалежнай тэатральнай групы «Купалаўцы» Міхаіла Зуя і Дзмітрыя Ясяневіча сумесна з беларускім рэжысёрам Андрэем Кашперскім. Праект вядомы выпускам сатырычных ролікаў на Ютуб-канале; праектам інтэрв’ю з вядомымі беларускімі дзеячамі культуры «ЧынЧыны на дыван», навагоднім мюзіклам «ЧынЧыны ў краіне цудаў».

Падпісвайцеся на культурныя навіны Reform.by у Telegram

Если вы нашли ошибку, пожалуйста, выделите фрагмент текста и нажмите Ctrl+Enter.

Последние новости


REFORM.by


Сообщить об опечатке

Текст, который будет отправлен нашим редакторам: