Праект Perspaktiv падрыхтаваў серыю адукацыйных відэа пра магчымасці для беларускіх мастакоў

«Разам з нашымі калегамі з Польшчы і Нямеччыны мы падрыхтавалі некалькі адукацыйных відэа, якія дапамогуць вам у вашым прафесійным развіцці і рэалізацыі», – паведамляецца на старонцы культурніцкай ініцыятывы Ambasada Kultury.

У відэа можна знайсці адказы на наступныя пытанні:

• Як працуе сістэма інстытуцый мастацтва на розных узроўнях?
• Якія магчымасці існуюць зараз для беларускіх мастакоў і прадстаўнікоў прафесійнага мастацкага поля?
• Як правільна і паспяхова наладзіць камунікацыю з куратарамі ці іншымі прадстаўнікамі замежных галерэй, музеяў ці цэнтраў сучаснага мастацтва?

У першым відэа дырэктар і куратар гарадской галерэі Arsenal у Познані — Марэк Васілеўскі расказвае, як у Польшчы працуе сістэма інстытуцый мастацтва на розных узроўнях і распавядзе пра тыя магчымасці, якія існуюць цяпер для беларускіх мастакоў і прадстаўнікоў прафесійнага мастацкага поля. А ў другім дзеліцца карыснымі ведамі пра тое, як правільна і паспяхова наладзіць камунікацыю з куратарамі ці іншымі прадстаўнікамі галерэй, музеяў ці цэнтраў сучаснага мастацтва.

Праект @perspaktiv_by рэалізуецца RAZAM e.V. – Belarusische Gemeinschaft, Ambasada Kultury і IN SITU пры фінансавай падтрымцы Міністэрства замежных спраў Германіі.

Падпісвайцеся на культурныя навіны Reform.by у Telegram