У Варшаве ў касцёле святога Аляксандра пройдзе канцэрт беларускіх музыкаў

У нядзелю, 13 жніўня, у касцёле святога Аляксандра пройдзе чарговы канцэрт беларускіх музыкаў.

У праграме – Бах і Вівальдзі, Пергалезі і Страдэла, Манюшка і Агінскі.

Выступаюць: Вікторыя Куцько – арган; Наталля Шыбко – сапрана; Дзмітрый Апяцёнак – тэнар; Ігнацый Антоні Данько.

Падчас канцэрта можна будзе ахвяраваць на гуманітарныя мэты.

Канцэрты беларускіх музыкаў у касцёле святога Аляксандра сталі ўжо традыцыяй. 29 студзеня тут адбыўся першы з серыі канцэртаў, накіраваных на развіццё і папулярызацыю сучаснага беларускага музычнага мастацтва. Праграма складалася з твораў сучасных беларускіх кампазітараў, а таксама класікаў сусветнай музыкі. А 21 траўня тут выступілі Ягор Забелаў і Вольга Падгайская – у межах праекта «Канцэрты беларускіх музыкаў». Кампазітарка Вольга Падгайская выконвала свае новыя творы для аргана.

Уваход вольны.

Дата: 13 жніўня

Час: 15.00 (час мясцовы)

Месца: касцёл святога Аляксандра, пл. Трох Крыжоў, 10/14, Варшава

Падпісвайцеся на культурныя навіны Reform.by у Telegram