«Жыццё як жах»: гурт «Петля Пристрастия» выпусціў першы трэк на беларускай мове

Гурт «Петля Пристрастия» выпусціў першы трэк на беларускай мове. Ён называецца «Жыццё як жах».

«Атрымалася. І нічога не спатрэбілася звышнатуральнага ў працэсе стварэння, яна вылецела лёгка, нібы ўжо даўно лунала ў паветры і трэба было яе толькі ўхапіць. Як птушка. Як жыццё. Як жах», – напісаў гурт у сацсетках.

Паслухаць можна па спасылцы.

Гурт актыўна падтрымліваў дэманстрантаў падчас пратэстаў у Беларусі ў 2020 годзе. Пратэснаму руху быў прысвечаны сінгл “Норма”, які пазней увайшоў у трэкліст альбома “Не той чалавек” (2021). Музыкі выступалі з канцэртам на Плошчы Перамен у Мінску. 22 лістапада падчас “Маршу супраць фашызму” быў затрыманы лідар гурта Ілля Чарапко-Самахвалаў, пасля асуджаны на 15 сутак.

У 2022 годзе група падтрымала Украіну і асудзіла дзеянні расейскіх уладаў.

Падпісвайцеся на культурныя навіны Reform.by у Telegram